ÜST və Səhiyyə nazirliyi “donuz qripi”-nə dair yayılan xəbərlərlə bağlı mətbuat konfransı keçirib

WHO and Azerbaijan Ministry of Health hold a press conference on swine flu news in Azerbaijan, Baku, 01 February 2019 Photo/WHO Azerbaijan

BAKI, 1 fevral 2019 – Ümumdünya Səhiyyə Təşkilatının (ÜST) Azərbaycandakı nümayəndəsi Dr Hande Harmancı və Azərbaycanın baş epidemioloqu İbadulla Ağayev mətbuat konfransı keçirərək, “donuz qripi” virusu ilə bağlı yayılan xəbərlərə aydınlıq gətirib.

ÜST-nin  nümayəndəsi bəyan edib ki, qrip A (H1N1) pdm09, son 10 ildə mövsümi qripə səbəb olan virusdur. “Hər il olduğu kimi, bu, adi mövsümi qripdir- donuz qripi deyil,Dr Harmancı vurğulayıb.

Qeyd edək ki, Azərbaycan da daxil olmaqla, ÜST-yə üzv olan  ölkələrdə qrip viruslarına nəzarət edən qlobal nəzarət sistemi (GISRS) mövcuddur. Bu ölkələrdə fəaliyyət göstərən laboratoriyalar viruslara aid məlumatları həmin sistemə daxil edir. Hazırda ölkələrdə qeydə alınmış qrip aşağı və orta intensivliyi olan tipik mövsümi qrip hesab edilir.

Yüksək risk altında hesab edilən qruplar arasında peyvəndin aparılması qripdən ən yaxşı müdafiə hesab olunur. Bu qrupa 5 yaşa qədər olan uşaqlar, 65 yaşdan yuxarı olan şəxslər, hamilə qadınlar, xroniki xəstəlikləri olan şəxslər və səhiyyə işçiləri aiddir.

Qripdən qorunmaq, eləcə də qripin daha çox yayılmasının qarşısını almaq üçün əlləri müntəzəm olaraq sabunla yumaq, öskürən və ya asqıran zaman ağız burun nahiyəsini dəsmalla örtmək, eləcə də göz, burun və ya ağıza toxunmamaq, ilkin mərhələdə özünü yaxşı hiss etmədikdə təcrid olmaq və xəstə insanlarla sıx əlaqədə olmamaq tövsiyə olunur.

Tədbirlər
iyul 2019
1234567
891011121314
15161718192021
22
23
2425262728
2930311234
23 iyul / Çərşənbə axşamı
Bizi izləyin: