ÜST jurnalistlər üçün ilkin səhiyyə xidmətləri və qeyri-yoluxucu xəstəliklər mövzusunda seminar təşkil edib

WHO increases capacity building of journalists on primary health care and NCDs. Photo / WHO Azerbaijan

BAKI, 31 oktyabr ­– Ümumdünya Səhiyyə Təşkilatının (ÜST) Azərbaycandakı nümayəndəliyi 20 jurnalist üçün ilkin səhiyyə xidmətləri və qeyri-yoluxucu xəstəliklər (QYX) mövzusunda seminar keçirib.

Seminarda ölkənin aparıcı mətbuat orqanlarının jurnalistləri ilə yanaşı İctimai Səhiyyə və İslahatlar Mərkəzinin və İcbari Tibbi Sığorta üzrə Dövlət Agentliyinin nümayəndələri iştirak edib.

Mövzu ilə bağlı bilik və bacarıqların artırılması üçün təşkil olunan seminar, 19 dekabr 2019-cu il tarixində STEPS hesabatı (Qeyri-yoluxucu xəstəliklərin risk faktorları üzrə milli araşdırma) yayımlanmazdan əvvəl mediada qeyri-yoluxucu xəstəliklərlə bağlı həssaslığı artırmaq və Azərbaycanda səhiyyə sahəsində aparılan islahatlar fonunda ilkin səhiyyə xidmətləri konsepsiyasını təqdim etmək məqsədi daşıyıb.

Seminarı ÜST-nin Avropa üzrə Regional Ofisinin və BMT-nin Bakıdakı İnformasiya Mərkəzinin kommunikasiya üzrə mütəxəssisləri keçib.

ÜST-nin Azərbaycandakı nümayəndəsi Dr. Hande Harmancı, təşkilatın dünyadakı və Azərbaycandakı rolunu təqdim edərək, ilkin səhiyyə xidmətləri və qeyri-yoluxucu xəstəliklərə xüsusi diqqət çəkib və ölkədə əsas səhiyyə problemlərindən danışıb. Sual-cavab sessiyasından sonra iştirakçılar interaktiv sessiyada mövzu üzrə həll yolları, ən yaxşı təcrübələr və ilkin səhiyyə xidmətlərinin QYX ilə mübarizədə rolu ilə bağlı ssenarilər üzrə çalışıb. Səhiyyə ilə bağlı məqalələrin yazılması ilə bağlı təcrübi sessiya seminarın ikinci günündə əsas fəaliyyət növü olub.

Sonda seminar iştirakçıları öz müsbət rəylərini paylaşıb və ÜST ilə daha geniş əməkdaşlığa hazır olduqlarını bildiriblər.

 

 

 

 

 

Tədbirlər
noyabr 2019
28293031123
45678910
111213141516
17
18192021222324
2526272829301
17 noyabr / Bazar
Bizi izləyin: