ÜST səhiyyə sisteminin transformasiyasında Azərbaycanı dəstəkləyir

WHO Country Office in Azerbaijan organised a roundtable discussion on transformation of country’s health system. Photo/ WHO Azerbaijan

Bakı, 1 avqust 2019 – Ümumdünya Səhiyyə Təşkilatının Azərbaycandakı nümayəndəliyi səhiyyə sistemində dəyişiklərlə bağlı Azərbaycan hökümətini dəstəkləmək üçün dəvət olunan dördgünlük missiyanın nəticələri ilə bağlı dəyirmi masa keçirib. Mütəxəssislərdən ibarət missiya ilkin səhiyyə xidmətlərini müasirləşdirmək və gücləndirmək üçün səy göstərir.

Tədbir Səhiyyə Nazirliyi, İcbari Tibbi Sığorta üzrə Dövlət Agentliyi, Tibb Universiteti, İctimai Səhiyyə və İslahatlar Mərkəzi, Bakı Şəhər Baş Səhiyyə İdarəsi, Həkimləri Təkmilləşdirmə İnstitutu, Milli Məclis, BMT agentlikləri, digər beynəlxalq təşkilatlar və səfirlik nümayəndələrini bir araya gətirib.

“Azərbaycan səhiyyə sisteminin, xüsusilə ilkin səhiyyə xidmətlərinin gücləndirilməsi üçün ciddi addımlar atır və Ümumdünya Səhiyyə Təşkilatı mütəxəssislərinin köməyilə bu məsələdə ölkəyə yardım göstərməkdən qürur duyur”, – ÜST-nin Azərbaycandakı nümayəndəsi və ölkə ofisinin rəhbəri Dr. Hande Harmancı açılış nitqində bildirib.

“Bu missiya dəyişməkdə olan yeni sistemi müşahidə etmək və layihənin müvəffəqiyyətlə həyata keçməsi istiqamətində ÜST-nin tövsiyələrinin hazırlanması üçün böyük imkandır. Güclü səhiyyə sistemi dayanıqlı inkişafın təməlidir, o cümlədən hər kəsin istədiyi və layiq olduğu firavan gələcək üçün əsas şərtdir”, – Dr. Hande Harmancı sözünü tamamlayıb.

Son üç ildə Azərbaycanda səhiyyə xidmətlərinin keyfiyyətini qaldırmaq və səhiyyədə fərdi ödəmələri azaltmaq üçün böyük işlər görülür.

Bu ilin əvvəlindən ÜST peşəkar bələdçiliyi və texniki bilikləri ilə, birbaşa müşahidə imkanları yaradaraq milli texniki ekspertlərin təcrübəsi və öz mütəxəssislərindən ibarət texniki missiyanın tövsiyələri ilə Azərbaycanı bu sahədə dəstəkləyir.

Növbəti addım Azərbaycana uyğun ən yaxşı modeli hazırlamaq üçün ilkin səhiyyə xidmətlərinin gücləndirilməsi ilə bağlı pilot layihə üzərində işləməkdir. İlkin səhiyyə xidmətləri hər kəsin ilk təmasda olduğu xidmətdir və burada xəstəliklərin böyük bir hissəsini daha yaxşı aşkar və müalicə etmək imkanı olduğundan böyük əhəmiyyət daşıyır.

Tədbirlər
avqust 2019
2930311234
567891011
12131415161718
19202122
23
2425
2627282930311
23 avqust / Cümə
Bizi izləyin: