UNICEF, COVID-19 pandemiyasından uşaqların təhlükəsizliyini, rifahını və gələcəyini qorumaq üçün, hərtərəfli tədbirlərin görülməsi lazım olduğunu deyir

BAKI, 17 aprel, 2020-ci il – Tədbirlərin Görülməsi üçün UNICEF-in hazırladığı Gündəlikdə göstərildiyi kimi və Birləşmiş Millətlər Təşkilatının COVID-19-un Uşaqlara Təsiri ilə bağlı dünən açıqladığı Siyasət üzrə Analitik İcmala uyğun olaraq, dünyanın hər yerində COVID-19 pandemiyasından uşaqların təhlükəsizliyini, rifahını və gələcəyini qorumaq üçün, hərtərəfli tədbirlərin görülməsi lazımdır.

Tədbirlərin Görülməsi üçün UNICEF-in hazırladığı Gündəlik uşaqlara aid bir neçə həlledici məsələni önə çəkir və bu məsələlər COVID-19-un yaratdığı birbaşa təhlükələrdən də kənara çıxır. UNICEF-in Azərbaycanda Nümayəndəsi Edvard Karvardinə görə, bu məsələlərin bir çoxu, artıq UNICEF və Hökumət arasında yaxın əməkdaşlıqla həll olunur.

“Biz bilirik ki, uşaqlar və ailələr COVID-19-un təsirini həyatlarının bir çox sahələrində hiss edəcəklər – Tədbirlərin Görülməsi üçün Gündəlik uşaqların sağlamlığı və qidalanma, ümumi və erkən dövrlərdəki təhsil, uşaqların uzun müddətli özünü təcrid nəticəsində evdə zorakılıqdan və psixoloji gərginlikdən müdafiəsi, həmçinin icmalarda həssas qruplara dəyən iqtisadi təsirə fokuslanıb – Azərbaycanda bütün bu sahələrdə UNICEF artıq hökumət və qeyri-hökumət tərəfdaşları ilə qeyd olunan riskləri minimuma endirmək üçün işləyir”, – cənab Karvardin bildirib.

Sadə profilaktik tədbirlər və xüsusilə əllərin yuyulması üzrə bələdçi təlimatlar rəqəmsal və birbaşa kommunikasiya vasitəsilə ölkədə artıq 1 milyondan çox insanı əhatə etmişdir. Bunun üçün UNICEF, İctimai Səhiyyə və İslahatlar Mərkəzi habelə Regional İnkişaf İctimai Birlik (RİİB) daxil olmaqla, yerli tərəfdaşları ilə birlikdə, materialları hazırlayıb, onları onlayn rejimdə və fiziki olaraq çatdırılmasına dəstək olmuşdur.

UNICEF körpələrin və  azyaşlı uşaqların qidalanması üzrə praktiki məlumatların valideynlərə çatdırılımasını dəstəkləyir və Səhiyyə Nazirliyinin İctimai Səhiyyə və İslahatlar Mərkəzi, İcbari Tibbi Sığorta üzrə Dövlət Agentliyi və Regional İnkişaf İctimai Birliyi (RİİB) ilə birlikdə valideynlər üçün uşağın sağlamlığı, qidalanması və erkən dövrlərdə inkişafına dair onlayn məsləhətləşmə və səhiyyə işçilərinin bələdçi təlimatlarının hazırlanması, həmçinin uşaq sağlamlığı üçün immunlaşma kimi zəruri gündəlik tədbirlərin qiymətləndirilməsi məqsədilə çalışır.

Məktəblərin və məktəbəqədər müəssisələrin zəruri olaraq bağlanmasına baxmayaraq, təhsil hələ də təmin olunur. UNICEF virtual dərslərin keçirilməsi məqsədilə Təhsil Nazirliyinə texniki dəstək verir və indiyə kimi uşaqların erkən dövrlərdə, ev şəraitində inkişafını dəstəkləmək üçün, 6.000-dən çox uşağı onlayn sessiyalar və çalışma materialları ilə təmin etmişdir.

UNICEF, Azərbaycan Respublikasının Gənclər Fondu daxil olmaqla, yerli tərəfdaşlarla birlikdə həmçinin COVID-19 və onun profilaktikası haqqında onlayn informasiya materialların hazırlanması üçün gəncləri səfərbər etmək, onlayn rejimdə həyat bacarıqları təlimi keçirmək, habelə plana uyğun 150000 gənc insana, evdə öz ailələrinə dəstək olmaq üçün, imkan yaratmaq məqsədilə işləyir. İndiyə kimi, 500 çox yeniyetmə onlayn məsləhət və psixoloji dəstək xidmətləri ilə təmin olunmuşdur.

Çox zaman, məişət zorakılığının məhz gərgin evdə təcrid dövründə artdığını nəzərə alaraq, UNICEF həmçinin, uşaqların qayğısına qalanları, kömək üçün bu cür stressin idarə olunması məqsədilə müsbət valideynlik üzrə bələdçi təlimatlar ilə təmin edir. Eyni zamanda UNICEF-in dəstək olduğu, mövcud sosial işçilərdən ibarət heyətlər, onlayn və telefon kommunikasiya vasitələrdən istifadə edərək, ən azı 1000 həssas ailə ilə təmasda olublar.

UNICEF, Əmək və Əhalinin Sosial Müdafiəsi Nazirliyinə də virusun həssas ailələr üzərində sosial-iqtisadi təsirini araşdırmaq məqsədilə dəstək olur və bu zaman, tək valideynli ailələr, uşağın dövlətin təsisatından geri qaytarıldığı ailələr, habelə əlilliyi olan uşaqlar kimi xüsusi qayğıya ehtiyacı olanlara, adekvat dəstəyin göstərilməsinə xüsusilə diqqət yetirilir. Bundan əlavə, Nazirlik və ASAN Xidmət Könüllüləri ilə birlikdə, UNICEF ilkin olaraq, 1000 xüsusilə həssas ailələrin ərzaq paketləri ilə təminatına dəstəyini təklif edib.

“COVID-19 pandemiyası həssas ailələr və uşaqlar üzərində potensial olaraq uzun müddətli təsir yaradır – UNICEF, bu ailələrin ehtiyaclarını qarşılamaq üçün Hökumətin həyata keçirdiyi miqyaslı tədbirləri təqdir edir. Biz, bu təsiri azaltmaq üçün, Avropa İttifaqının və ABŞ-ın Beynəlxalq İnkişaf Agentliyinin də dəstəklədiyi təşəbbüslər daxil olmaqla, əlimizdən gələn bütün dəstək və yardımı göstərməyə davam edəcəyik”, – deyə Edvard Karvardin bildirmişdir.

 Redaktorlar üçün qeyd

Birləşmiş Millətlər Təşkilatının COVID-19-un Uşaqlara Təsiri ilə bağlı Siyasət üzrə Analitik İcmal 16 aprel 2020-ci il tarixində dərc olunmuşdur. Siyasət üzrə Analitik İcmalda pandemiyanın yayılmasını saxlamaq və təsirini azaltmaq üçün bütün dünyada hökumətlərin həyata keçirdiyi geniş miqyaslı tədbirlər təqdir olunmaqla yanaşı, COVID-19-un uşaqlar üzərində təsadüfi təsirlərinə qarşı əlavə addımların atılması üçün də israrla çağırış edilir. Bura aşağıdakılar daxildir:

  • Uşaqlar üçün universal qrantlar vasitəsilə ailələrə sosial yardımım göstərilməsi və yaxud bu yardımın genişlənməsi.
  • Uşaqların ərzaq təhlükəsizliyi böhranından qorumaq üçün ərzaq məhsullarının təchizatı sistemlərini və yerli ərzaq bazarlarını gücləndirmək.
  • Uşaq yönümlü xidmətlərin davamlılığını ön əhəmiyyət kimi müəyyən etmək.
  • Miqrantlar, məcburi köçkünlər, qaçqınlar, azlıqlar, xarabalıq sakinləri, əlilliyi olan uşaqlar, silahlı münaqişəyə düşən və dövlət uşaq müəssisələrində olan uşaqlar daxil olmaqla həssas uşaqlar üçün xüsusi müdafiə tədbirlərinin həyata keçirilməsi
  • Valideynlərə və tərbiyəçilərə pandemiya haqqında uşaqlarla necə danışmaq, özünün və övladlarının zehni sağlamlığını necə idarə etmək, həmçinin övladlarının təhsilini dəstəkləmək üçün vasitələr daxil olmaqla, praktiki dəstək vermək.
  • Təcridetmə tədbirləri başa çatanda uşaq xidmətlərinin bərpasını ön əhəmiyyət kimi müəyyən etmək
  • Uşaqları, yeniyetmələri və gəncləri, zamanında və mümkün olduqca, COVID-19 testləri, müalicəsi və vaksinləri ilə təmin etmək.

###

 UNICEF haqqında

UNICEF ən əlverişsiz şəraitdə yaşayan uşaqlara çatmaq üçün dünyanın ən çətin yerlərində işləyir. Biz 190-dan çox ölkə və ərazilərdə hər bir uşaq, hər yerdə, hər kəs üçün daha yaxşı bir dünya qurmaq məqsədilə çalışırıq,.

Əlavə məlumat üçün

UNICEF-in Azərbaycandakı Nümayəndəliyinin İctimaiyyətlə Əlaqələr və

Tərəfdaşlıq Məsələləri üzrə mütəxəssisi, xanım Ayna Mollazadə ilə

əlaqə saxlamağınız xahiş olunur:

Elektron ünvan: amollazade@unicef.org

Tədbirlər
may 2020
27282930123
45678910
11121314151617
18192021222324
2526
27
28293031
27 may / Çərşənbə
Bizi izləyin: