Ümumdünya Sağlamlıq Günü ilə əlaqədar “Az avtomobil, çox həyat” devizi altında veloyürüş keçirilib

Participants of the “Less cars, more life” bike ride in Baku, Azerbaijan. 7 April 2019. Photo/WHO

Bakı, 7 aprel 2019 – 7 aprel Ümumdünya Sağlamlıq Günü ilə əlaqədar “Az avtomobil, çox həyat” devizi altında Veloparkda veloyürüş keçirilib.

Veloyürüş Ekologiya və Təbii Sərvətlər Nazirliyinin təşəbbüsü, Ümumdünya Səhiyyə Təşkilatı və Səhiyyə Nazirliyi İctimai Səhiyyə və İslahatlar Mərkəzinin təşkilatçılığı, Azərbaycan Velosiped İdmanı Federasiyası və Respublika Olimpiya Velosiped Məktəbinin dəstəyi ilə təşkil olunub.

Veloyürüşün  məqsədi insanlara sağlam həyat tərzini aşılamaq və avtomobilsiz istirahət günü ənənəsini təbliğ etməkdir.

Yürüşdə Gənclər və İdman Nazirliyi, Dövlət Təhlükəsizlik Xidməti, Dövlət  Gömrük Komitəsi, Səfərbərlik və Hərbi Xidmətə Çağırış üzrə Dövlət Xidməti, Bakı Nəqliyyat Agentliyi, SOCAR-ın “Azəriqaz” İstehsalat Birliyinin nümayəndələri, Dövlət İdarəçilik Akademiyası və Azərbaycan Dövlət Neft və Sənaye Universitetinin tələbələri  iştirak edib.

7 aprel Ümumdünya Sağlamlıq Günü 1950-ci ildən etibarən keçirilir. Bu günün keçirilməsində məqsəd dünya ictimaiyyətinin diqqətini qlobal sağlamlıq üçün böyük əhəmiyyət kəsb edən bir mövzuya yönəltməkdir.

 

Tədbirlər
aprel 2019
1234567
891011121314
15161718192021
22
23
2425262728
293012345
23 aprel / Çərşənbə axşamı
Bizi izləyin: