Ümumdünya Səhiyyə Təşkilatı Azərbaycanda uşaqlara qarşı zorakılığın durumunu qiymətləndirmək üçün dəyirmi masa keçirir

Participants of the WHO-organised roundtable discussion to assess the status of child violence in Azerbaijan, Baku, 23 January 2018 Photo/WHO Azerbaijan

BAKI, 23 yanvar 2019 – Ümumdünya Səhiyyə Təşkilatı (ÜST), Azərbaycan hökuməti ilə əməkdaşlıq çərçivəsində uşaqlara qarşı şiddət və zorakılığın qarşısının alınması ilə bağlı dəyirmi masa keçirib.

Tədbirdə Azərbaycan Respublikası Daxili İşlər Nazirliyi, Səhiyyə Nazirliyi, Ədliyyə Nazirliyi, Təhsil Nazirliyi, Əmək və Əhalinin Sosial Müdafiəsi Nazirliyi, Ailə, Qadın və Uşaq Problemləri üzrə Dövlət Komitəsi, Dövlət Statistika Komitəsi və BMT agentliklərinin nümayəndələri iştirak edib.

ÜST ötən ildə 2-17 yaş arası bir milyarda yaxın uşağın fiziki, cinsi və ya psixoloji zorakılığa, yaxud laqeyd münasibətə məruz qaldığını bildirir. Uşaqlıq çağında zorakılığa məruz qalmaq sağlamlığa və rifaha ömürlük öz təsirini göstərir.

Azərbaycan Uşaq Qaynar Xəttinin ötən ilin yekunları ilə bağlı hesabatına görə 2018-ci il ərzində quruma uşaq zorakılığı ilə bağlı 3581 müraciət daxil olub.

Azərbaycan BMT-nin Dayanıqlı İnkişaf Məqsədlərinin 2030-cu ilə olan gündəliyinin icrasını təsdiqləyib. Gündəliyin 16.2 hədəfi uşaqların istismarı, alveri, onlara qarşı hər cür zorakılığa və işgəncəyə son verməyi nəzərdə tutur.

Tədbirlər
iyul 2019
1234567
891011121314
15161718192021
22
23
2425262728
2930311234
23 iyul / Çərşənbə axşamı
Bizi izləyin: