Qeysəriyyə kəsiyi əməliyyatının azaldılması üçün səmərəli sistem olan “Robson təsnifatı” təqdim olundu

WHO co-organized a seminar-conference on Robson classification in Azerbaijan, Baku, 25 January 2018 Photo/WHO Azerbaijan

BAKI, 25 yanvar 2019 – Respublika Perinatal Mərkəzi və Ümumdünya Səhiyyə Təşkilatı (ÜST) ölkənin bütün şəhər və rayonlarından 120 mama-ginekoloq, eləcə də müxtəlif qurumları təmsil edən yerli və beynəlxalq tərəfdaşlar üçün “Robson təsnifatı” ilə bağlı seminar-konfrans keçirib.   

Tədbirin məqsədi son illərdə dünyada və Azərbaycanda artan qeysəriyyə əmsalının müqayisəsi və monitorinqi vasitəsi olan “Robson təsnifatı”nın təqdimatı və bu sistemin səhiyyə müəssisələrində tətbiq üsulları barədə iştirakçıları məlumatlandırmaqdır.

Qeyd edək ki, ÜST 2015-ci ildə səhiyyə müəssisələrinin daxilində və müəssisələr arasında qeysəriyyə əmsalının qiymətləndirilməsi, monitorinqi və müqayisəsi üçün qlobal standart kimi “Robson təsnifatı”ndan istifadəni təklif edib.

ÜST hesab edir ki, “Robson təsnifatı”nın istifadəsi səhiyyə müəssisələrində qeysəriyyə əmsalına təsir göstərən qadın qruplarını müəyyənləşdirməyə və bu qrupların nəticələrini təhlil etməklə səhiyyənin keyfiyyətini qiymətləndirməyə yardım edəcək. Bu sistem, həmçinin toplanmış məlumatların əhəmiyyəti, şərhi və istifadəsi ilə bağlı heyətin maarifləndirmə səviyyəsini artırmağa öz töhfəsini verəcək.

Qeysəriyyə kəsiyi əməliyyatı dünyada, xüsusilə yüksək və orta gəlirli ölkələrdə artan templə davam edən və ən geniş yayılmış əməliyyat növlərindən biridir. İnsan həyatını xilas etməsinə baxmayaraq, bu əməliyyat çox vaxt tibbi ehtiyac olmadan aparılır. Bu da qadınlar və körpələr üçün qısa və uzunmüddətli sağlamlıq problemlərini yaradır. ÜST, hər xəstənin qarşılaşdığı vəziyyətə uyğun ehtiyaclarını ödəməyin əhəmiyyətini vurğulayır və yalnız tibbi zərurət yarandıqda bu əməliyyatı tövsiyə edir.

 

Tədbirlər
iyul 2019
1234567
891011121314
15161718192021
22
23
2425262728
2930311234
23 iyul / Çərşənbə axşamı
Bizi izləyin: