FAO qoyunçuluq sektorunun inkişafı üzrə maraqlı tərəflərin məsləhətləşmə toplantısını keçirib

Meeta Punjabi, FAO International Value Chain Consultant, speaks about the assessment results of sheep value chain in Azerbaijan. Photo/FAO Azerbaijan

BAKI, 18 iyul 2019 – BMT-nin Ərzaq və Kənd Təsərrüfatı Təşkilatı (FAO) Azərbaycan Kənd Təsərrüfatı Nazirliyinin Aqrar Kredit və İnkişaf Dövlət Agentliyi ilə birgə qoyunçuluq sektorunun inkişafı üzrə maraqlı tərəflərin məsləhətləşmə toplantısını təşkil edib.

Tədbirin əsas məqsədi qoyunçuluğun dəyər zənciri iştirakçılarını fəal şəkildə cəlb etməklə, dəyər zəncirinin bütün pillələrindəki məsələləri müzakirə etmək, bu sahədə imkanları və məhdudiyyətləri ətraflı şəkildə anlamaq və sahənin çoxşaxəli inkişafına şərait yaratmaq idi. Seminar zamanı FAO-nun Dəyər Zənciri üzrə Beynəlxalq Məsləhətçisi xanım Mita Puncabi  tədbir iştirakçılarına Azərbaycanda qoyunçuluq sahəsi üzrə təhlilin nəticəsinə dair təqdimat keçirib.

Toplantıda Kənd Təsərrüfatı Nazirliyi, Qida Təhlükəsizliyi Agentliyi, digər dövlət müəssisələr, assosiyasıyalar, beynəlxalq təşkilatlar və özəl sektor nümayəndələri, fermerlər, həmçinin FAO-nun beynəlxalq mütəxəssislər iştirak edib.

Qeyd edək ki, iclas Azərbaycan hökumətinin maliyyələşdirdiyi və FAO-Azərbaycan Tərəfdaşlıq Proqramı çərçivəsində 2018-ci ilin dekabr ayından icra olunan “Qoyunçuluğun davamlı inkişafı və ərzaq məhsullarının istehsalı üzrə dəyər zəncirinin yaradılması” layihəsi çərçivəsində təşkil olunub. Layihə, çoxaltma və yemləmə strategiyalarını hazırlamaq, heyvan sağlamlığı və transsərhəd xəstəliklərin idarəsi sahəsində mövcud olan  çətinlikləri həll etmək, məhsulun bazar tələbatına əsasən hazırlanmasını təmin etmək üçün qoyunçuluq üzrə dəyər zəncirinin fəaliyyətini dayanıqlı şəkildə inkişaf etdirmək məqsədini daşıyır.

Tədbirlər
avqust 2019
2930311234
567891011
12131415161718
19202122
23
2425
2627282930311
23 avqust / Cümə
Bizi izləyin: