FAO biznes ideyalarını dəstəkləmək üçün gənc fermerlərə təlim kursları keçirir

FAO trains young farmers in Azerbaijan to support their business ideas, May 2019. Photo/ FAO Azerbaijan.

BAKI, 20 may 2019-cu il – FAO və Kənd Təsərrüfatı Nazirliyinin Aqrar Kredit və İnkişaf Agentliyinin birgə icra etdiyi Aqrar Məşğulluğun Artırılması Layihəsi (AMAL) çərçivəsində 400 gəncə aqrar sahədə biznes ideyalarının hazırlanması və icrasına dair təlimlər keçirilib. İştirakçılar layihənin ikinci mərhələsinə uğurla keçmiş gənclərdir.

“Öz biznes ideyanı yarat” adlı bir həftəlik təlimlər aprelin 15-də başlayıb və Azərbaycanın İsmayıllı, Balakən, Ağcabədi, Ağdam, Neftçala, Goranboy, Saatlı, İmişli, Zaqatala, Ağdaş və Bərdə rayonlarında baş tutub.

Beynəlxalq Əmək Təşkilatının beynəlxalq sertifikatlı təlimçiləri biznes ideyalarının seçilməsi və biznes planlarının hazırlanması, marketinq, xərclərin hesablanması, investisiyanın idarə olunması, nağd pul dövriyyəsi və hüquqi savadlılığın artırılması mövzularında təlimlər keçib.

Bu təlim kurslarında iştirak edən gənclər, fəaliyyət göstərdikləri sahələrdən asılı olmayaraq, qazandıqları bilik və bacarıqları ­­biznes və planların səmərəli idarə edilməsi və düzgün qiymətləndirilməsi kimi istənilən işdə istifadə edə biləcəklər.

Qeyd edək ki, AMAL-a ölkə üzrə 1000-dən artıq gənc amal.gov.az saytı vasitəsilə müraciət edib və onlardan 400 nəfər layihənin ikinci mərhələsində iştirak etmək hüququ qazanıb.

“AMAL” Kənd Təsərrüfatı Nazirliyinin kənd yerlərində yaşayan gənclərin aqrar sahədə biznes ideyalarının həyata keçirilməsini dəstəkləyən və onların innovativ metodlardan istifadə etməsini stimullaşdıran təşəbbüsüdür. Layihə gəncləri effektiv və ətraf mühiti qoruyan yeni kənd təsərrüfatı və idarəçilik üsulları barədə məlumatlandıracaq. Layihə həmçinin, gənc fermerlərin ilkin kapitalının formalaşmasına dəstək verəcək.

Tədbirlər
sentyabr 2019
2627282930311
2345678
9101112131415
161718
19
202122
23242526272829
30123456
19 sentyabr / Cümə axşamı
Bizi izləyin: