BMT-nin İnsan Hüquqları üzrə Ali Komissarlığı və Azərbaycan Vəkillər Kollegiyası BMT insan hüquqları sistemi və müdafiə mexanizmi üzrə hüquqşünaslar üçün seminar keçirir

OHCHR and Azerbaijan Bar Association hold workshop for lawyers, April 2019/ Photo UNO Baku

BAKI, 18 april 2019 – BMT-nin İnsan Hüquqları üzrə Ali Komissarının Cənubi Qafqaz Ofisi və Azərbaycan Respublikasının Vəkillər Kollegiyası ədalət mühakiməsinin həyata keçirilməsi sahəsində praktik tətbiq və perspektivləri nəzərə alaraq, BMT-nin insan hüquqları sistemi və müdafiə mexanizminə dair hüquqşünaslara seminar təşkil edib.

Tədbirdə Vəkillər Kollegiyasının 40-dən çox üzvü, dövlət rəsmiləri, o cümlədən yerli və beynəlxalq təşkilatların nümayəndələri iştirak edib.

BMT-nin İnsan Hüquqları üzrə Ali Komissarlığının Cənubi Qafqazdakı Ofisinin İnsan Hüquqları üzrə Baş Müşaviri Vladimir Şkolnikov BMT sistemində insan hüquqlarının təşviqi və müdafiəsi, eləcə də BMT Komitələrinin fəaliyyətləri, təşkilatın xüsusi məruzəçiləri və işçi qrupları mövzusunda çıxış edib.

Seminarda Vəkillər Kollegiyasının sədri Anar Bağırov Azərbaycan Vəkillər Kollegiyası ilə BMT-nin İnsan Hüquqları üzrə Ali Komissarlığı arasında olan əməkdaşlıq münasibətlərinin əhəmiyyəti və ölkənin müxtəlif regionlarından olan vəkilllərin bu sahədə biliklərinin artırılması üçün birgə təşkil edilmiş təlimlər haqqında məlumat verib.

Tədbirdə mütəxəssislər insan hüquqlarının müdafiəsi məqsədilə BMT ilə milli kontekstdə əməkdaşlıq istiqamətləri, eləcə də BMT-nin insan hüquqları mexanizmlərində Azərbaycanın iştirakı ilə bağlı ratifikasiya statusu və bu qərarların icrası mövzularında müzakirələr aparıblar.

Seminar iştirakçıları təlim mövzusuna dair BMT-nin İnsan Hüquqları üzrə Ali Komissarlığının Azərbaycan dilinə tərcümə etdiyi müxtəlif vəsaitlər əldə ediblər.

Tədbirlər
may 2019
293012345
6789101112
13141516171819
2021222324
25
26
272829303112
25 may / Şənbə
Bizi izləyin: