BMT Azərbaycanda Beynəlxalq Könüllülər Gününün qeyd olunmasını dəstəkləyir

BAKI, 5 dekabr 2018 – Beynəlxalq Könüllülük Gününü (BKG) qeyd edən tədbir 200-ə yaxın milli könüllü, eləcə də Birləşmiş Millətlər Təşkilatı (BMT) və dövlət qurumlarının nümayəndələrini bir araya gətirib. ADA Universitetinin ev sahibliyi etdiyi tədbiri BMT Könüllüləri (UNV), “ASAN Xidmət” və “Coca-Cola” Fondu təşkil edib.

Builki BKG, təbii fəlakətlər, iqtisadi çətinliklər və siyasi təlatümlər zamanı cəmiyyətlərdə dayanıqlılığının gücləndirilməsi istiqamətində könüllülərin səylərini qeyd edir.

“Bugünkü tədbir könüllülərin işi və töhfələrinin qiymətləndirilməsinin bariz sübutudur,” BMT-nin Azərbaycandakı rezident əlaqələndiricisi Qulam İshaqzai bildirib. “Azərbaycan hökumətinin və tərəfdaşlarının davamlı dəstəyi və yatırımları ilə könüllülük, cəmiyyəti gücləndirmək və Dayanıqlı İnkişaf Məqsədlərinə nail olmaq istiqamətində səyləri artıra bilər”.

Açılış sessiyasından sonra, BMT Könüllüləri proqramı və “ASAN Xidmət”in oktyabr və noyabr aylarında təşkil etdiyi müsabiqənin qaliblərinə ən yaxşı hekayə, foto və video kateqoriyalarında mükafatlar təqdim olunub.

BMT Baş Assambleyasının müəyyənləşdirdiyi Beynəlxalq Könüllülər Günü (BKG) hər il dekabrın 5-də qeyd olunur. Bu gün, könüllülərin səylərini qeyd etmək, dəyərlərini bölüşmək və onların işlərini yerli icmalar, qeyri-hökumət təşkilatları (QHT), BMT agentlikləri, hökumət orqanları və özəl sektor arasında təbliğ etmək üçün unikal bir şansdır.

Hər il minlərlə könüllülünü səfərbər etməklə yanaşı, BMT Könüllüləri proqramı könüllülərin işini təşviq edərək və könüllülüyü inkişaf proqramlarının tərkib hissəsinə çevirmək üçün tərəfdaşlarla çalışaraq, sülh və inkişafa yardım edir.

Hər il 6,500-dən çox BMT könüllülüsü dünyanın ən çətin mühitlərində xidmət göstərir və BMT-nin 12,000 onlayn könüllüsü, BMT onlayn könüllülük xidməti vasitəsilə 20,000-dən çox tapşırığı yerinə yetirir.

Tədbirlər
dekabr 2018
262728293012
3456789
1011
12
13141516
17181920212223
24252627282930
31123456
12 dekabr / Çərşənbə
Bizi izləyin: