BMT 75-ci ildönümü ilə əlaqədar dialoqa start verir: dünyanın gələcəyinə dair ən böyük qlobal müzakirə başlayır

Hər kəs üçün daha yaxşı gələcəyin qurulmasında qlobal əməkdaşlığın roluna dair  ən böyük və inklüziv  müzakirə olan BMT-75 təşəbbüsə 1 yanvar 2020-ci ildən start verilib.  Bu təşəbbüs çərçivəsində  BMT 2020-ci il ərzində dünyanın müxtəlif ölkələrində dialoqlar təşkil edəcək.

“Qlobal reallığın öyrənilməsi” çərçivəsində, dörd yenilikçi məlumat axını əsas qlobal problemlərin həlli üçün izdihamlı mənbələrin ilk depolarını yaradacaq.

BMT-75 dialoqları hər kəs üçün açıq olan “bir dəqiqəlik sorğu” ilə birlikdə 50 ölkədə keçirilən ictimai rəy sorğusu və 70 ölkədə süni intellekt vasitəsilə ənənəvi və sosial mediada  əhval-ruhiyyənin təhlili, milli və beynəlxalq siyasətlər, eləcə də müzakirələr haqqında inandırıcı məlumat əldə etməyə imkan yaradacaq.

Hər kəsi bu prosesdə iştiraka çağıran BMT-nin baş katibi bəyan edib:

“Heç bir ölkə və cəmiyyət dünyamızın mürəkkəb problemlərini tək həll edə bilməz. Yalnız danışmaq üçün deyil, həm də dinləmək üçün bir araya gəlməliyik. Hər kəsin müzakirəyə qoşulması mütləqdir. Dünyadakı insanlara daha yaxşı xidmət göstərmək üçün sizin rəylərinizə, strategiyalarınıza və ideyalarınıza ehtiyacımız var.”

Sərhədlər boyu müxtəlif sektor və nəsilləri əhatə etməyə çalışan BMT-75 komandası dünyanın hər bir ölkəsində dialoqlar aparmaq məqsədilə BMT-nin rezident əlaqələndiriciləri də daxil olmaqla geniş, çox sektorlu şəbəkə ilə əməkdaşlıq edir.

BMT ilə hələ qarşılıqlı fəaliyyət göstərməyən gənclər və qruplara yönəlmiş qlobal təşəbbüs çərçivəsində, BMT-75  mühüm qlobal problemlər fonunda beynəlxalq əməkdaşlığa dair gözləntiləri daha yaxşı anlamaq məqsədi daşıyır.

BMT-nin baş katibi sorğu zamanı qeyd olunmuş baxış və ideyaları 21 sentyabr 2020-ci il tarixində Birləşmiş Millətlər Təşkilatının 75 illiyinə həsr olunmuş yüksək səviyyəli tədbirdə dünya liderlərinə və BMT-nin yüksək vəzifəli rəsmilərinə təqdim edəcək.

Dialoqlara dair təşviqat və məlumatlandırma işləri aparmaq üçün BMT, 6 yanvar 2020-ci ildən etibarən əhəmiyyətli qlobal problemlərlə bağlı təcrübələri və fikirlərini bölüşən dünyanın müxtəlif yerlərindən olan 38 nəfərlə müsahibə əsasında videoçarx istehsal etmək üçün Vox Media-nın Vox Creative studiyası ilə əməkdaşlıq edir.

Müzakirədə iştirak etmək üçün www.un.org/UN75 vebsaytına daxil ola bilərsiniz.

Əlavə məlumat və ya müsahibə almaq üçün Lisa Laskaridis ilə əlaqə saxlamaya bilərsiniz ( lisa.laskaridis@un.org).

Tədbirlər
iyul 2020
293012345
6789101112
13
141516171819
20212223242526
272829303112
13 iyul / Bazar ertəsi
Bizi izləyin: