Azərbaycanda BMT günü #dəyişənhəyatlar hekayələri ilə qeyd olunub

BAKI, 24 oktyabr 2019 – BMT-nin Azərbaycandakı nümayəndəliyi və ADA Universiteti BMT günü ilə əlaqədar xüsusi tədbir təşkil edib. Tədbir zamanı BMT-nin Azərbaycanda fəaliyyəti nəticəsində dəyişən həyatlara həsr olunmuş təqdimatlar edilib.

Hökumət, diplomatik missiyalar, vətəndaş cəmiyyəti, akademik dairələr və kütləvi informasiya vasitələrini təmsil edən 250-ə qədər iştirakçını bir araya gətirən tədbirlə 2020-ci ildə qeyd olunacaq BMT-nin 75-ci ildönümü üçün geri sayım başlayıb.

BMT-nin Baş Assambleyasının prezidenti Ticcani Muhammad-Mande, Azərbaycan Respublikasının xarici işlər nazirinin müavini Hafiz Paşayev və BMT-nin Azərbaycandakı rezident əlaqələndiricisi Qulam İshaqzai tədbirin açılış hissəsində çıxış ediblər.

Açılış sessiyası gənclər, gender bərabərliyi, təhsil, qadınların səlahiyyətləndirilməsi, məşğulluq, səhiyyə və digər sahələrdə Birləşmiş Millətlər Təşkilatı ilə əməkdaşlıqdan bəhrələnmiş şəxslərin təqdimatları ilə davam edib.

24 oktyabr 1948-ci ildən etibarən BMT günü kimi qeyd olunur. Bu gün BMT-nin nizamnaməsi qüvvəyə minib. Məhz bu təsis sənədinin qəbulu ilə Birləşmiş Millətlər Təşkilatının əsası qoyulub. BMT-nin Baş Assambleyası 1971-ci ildə qəbul etdiyi qərarla üzv dövlətlərə BMT gününü rəsmi bayram kimi qeyd etməyi tövsiyə edib.

Tədbirlər
fevral 2020
272829303112
3456789
10111213141516
1718192021
22
23
2425262728291
22 fevral / Şənbə
Bizi izləyin: