Azərbaycan: BMT-nin insan hüquqları eksperti qida hüququnu qiymətləndirmək üçün səfər edəcək

CENEVRƏ, 26 sentyabr 2019-cu il – BMT-nin qida hüququ üzrə xüsusi məruzəçisi Hilal Elver qida hüququnun təmin edilməsində hökumətin göstərdiyi səylərini araşdırmaq məqsədilə 1 – 11 oktyabr 2019-cu il tarixlərində Azərbaycana fakt araşdırıcı səfərini həyata keçirəcək.

“Azərbaycanda qida hüququ təminatının qiymətləndirilməsini və insanların qazancına təsir göstərən ölkənin qida və kənd təsərrüfatı siyasətinin daha yaxından öyrənilməsini səmimiyyətlə arzulayıram,” Elver bildirib.

“Səfərimin məqsədi münasib təcrübəni, eləcə də çətinlikləri müəyyən etmək məqsədilə konstruktiv müzakirələr aparmaq və hökumətə, digər dairələrə faydalı tövsiyələri verməkdən ibarətdir”.

Bu, qida hüququ üzrə müstəqil ekspertin ölkəyə ilk səfəridir. Xüsusi məruzəçi Bakıya, Qubaya və Gəncəyə səfər edəcəkdir. O, hökumət rəsmiləri, Ombudsman, BMT sistemin nümayəndələri, beynəlxalq donor icması, vətəndaş cəmiyyəti təşkilatları və digər icmalarla görüşlər keçirəcək.

“Mən Azərbaycanda qida hüququnun təmin edilməsinə iqtisadi artımın və xarici sərmayələrin nə dərəcədə təsir göstərdiyini yaxından öyrənəcəyəm,” Elver qeyd edib.

“Mən kənd təsərrüfatı sektorunun oynadığı rolu, o cümlədən münasib təcrübə nümunələrini və çətinlikləri nəzərdən keçirməyi planlaşdırıram. Mən həmçinin, xüsusilə  qadınlar, uşaqlar, azlıqlar, əlilliyi olan şəxslər və həm şəhər, həm də kənd yerlərində məcburi köçkün kimi yaşayan, öz evlərini tərk etməyə məcbur olmuş insanlar arasında olmaqla, qida hüququnun yerinə yetirilmə vəziyyətini  qiymətləndirəcəyəm.”

“Eyni zamanda, mən özəl sektorun rolunu; torpaq üzərində mülkiyyət hüququnun, ətraf mühit məsələlərinin və iqlim dəyişikliyinin təsirini; xüsusən də yeni doğulmuşlara və uşaqlara gəldikdə, qidalanma və keyfiyyətli qidaya aid məsələləri nəzərdən keçirəcəyəm.”

Xüsusi məruzəçi səfərinə dair ilkin müşahidələrini səfərin sonunda, 11 oktyabr tarixində, yerli vaxtla 12:00-da aşağıdakı ünvanda keçiriləcək mətbuat konfransında təqdim edəcək: Bakı, Mirzəağa Əliyev küçəsi, 210, Winter Park Hotel, Zümrüd konfrans zalı. Giriş yalnız akkreditasiyadan keçmiş jurnalistlər üçün nəzərdə tutulur.

Səfərlə əlaqədar Elverin yekun hesabatı 2020-ci ilin martında Cenevrədə İnsan Hüquqları Şurasına təqdim olunacaqdır.

SON

Xanım Hilal Elver (Türkiyə) 2014-cü ildə İnsan Hüquqları Şurası tərəfindən qida üzrə xüsusi məruzəçi təyin edilmişdir. O, tədqiqatlar üzrə professor, “Qlobal və Beynəlxalq Araşdırmalar” üzrə Orfalea Mərkəzi tərəfindən həyata keçirilən qlobal iqlim dəyişikliyi, insan təhlükəsizliyi və demokratiya layihəsinin həmdirektorudur, o cümlədən Kaliforniya Universitetinin Los Anceles Hüquq Məktəbinin (KULA) Resnik Qida Hüququ və Siyasət Mərkəzində qlobal səviyyəli tədqiqatçı kimi çalışır.

Xüsusi məruzəçilər İnsan Hüquqları Şurasının xüsusi prosedurlar adlı qurumunun bir hissəsidir. BMT-nin insan hüquqları sistemində ən böyük müstəqil mütəxəssislər qurumu sayılan “Xüsusi Prosedurlar”, Şuranın müəyyən ölkənin vəziyyətini yaxud dünyanın bütün yerlərində tematik məsələləri araşdıran müstəqil fakt araşdırıcı və monitorinq mexanizminin ümumi adıdır. Xüsusi prosedurlara aid ekspertlər könüllü əsaslarla işləyir. Onlar BMT işçisi hesab edilmir və icra etdiyi işə görə əmək haqqı almırlar. Onlar hər hansı hökumətdən və ya təşkilatdan müstəqildir və fərdi qaydada xidmət göstərirlər.

BMT-nin İnsan Hüquqları, ölkə üzrə səhifə – Azərbaycan

Əlavə məlumat və mətbuat sualları üçün aşağıdakı qaydada lütfən əlaqə saxlayın:

Azərbaycanda (səfərdə olarkən): xanım Patrisiya Varela (+41 792 010119 / pvarela@ohchr.org)

Mətbuat üçün əlaqə, Azərbaycan: xanım Leyla Qurbanova (+994 55 914 6490 / leyla.gurbanova@unic.org)

BMT-nin digər müstəqil ekspertlərinə dair mətbuat suallarına gəldikdə, aşağıdakı qaydada əlaqə saxlayın: cənab Ceremi Lourens, BMT-nin İnsan Hüquqları – mətbuat bölməsi (+41 22 917 9383 / jlaurence@ohchr.org)

BMT-nin müstəqil insan hüquqları ekspertlərinə dair xəbərləri tvitterdə izləyin @UN_SPExperts.

Yaşadığımız dünyanın taleyi sizi narahat edirsə, İnsanların hüququ naminə bu gün HƏRƏKƏTƏ KEÇİN. #Standup4humanrights və internet səhifəyə daxil olun http://www.standup4humanrights.org

Tədbirlər
oktyabr 2019
30123456
78910111213
14
151617181920
21222324252627
28293031123
14 oktyabr / Bazar ertəsi
Bizi izləyin: