Yeni tətbiq COVİD-19-la bağlı ən son araşdırmaların nəticələrini birbaşa olaraq səhiyyə işçilərinə çatdırır

MD reference app helps healthcare professionals

BAKI, 2 iyun 2020 – Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi BMT-nin İnkişaf Proqramının dəstəyi və “Ezgil Medical Technologies” şirkətinin əməkdaşlığı ilə tibb işçilərinin istifadəsi üçün xüsusi mobil tədbiq yaradıb.

Yeni “MD Reference” mobil tədbiqin əsas vəzifəsi klinik qərarların qəbulunda həkim və orta tibb heyətinə dəstək olmaqdadır. Səhiyyə işçiləri bu tədbiqdən istifadə edərək, tibbi yardımının keyfiyyətini yüksəldib, öz praktik fəaliyyətlərinin nəticələrini daha da yaxşılaşdırmış olacaqlar. İstifadəsi olduqca rahat olan bu mobil aplikasiya həkimlər və digər səhiyyə işçilərinin bacarıqlarının təkmilləşdirilməsi, onların bu sahədə ən son yeniliklərdən daim xəbərdar olmalarına kömək edəcək.

Bundan başqa, “MD Reference”-ın yaradıcıları tədbiqdə COVID-19 pandemiyasına həsr olunmuş xüsusi bölmə əlavə ediblər. Mobil proqramın bu bölməsində tibb işçiləri üçün olduqca vacib olan ən son məlumatlar yerləşdirilib: koronavirus infeksiyasının profilaktikası, infeksion nəzarət, dezinfeksiya, xəstəliyin diaqnostikası və müalicəsinə aid təlimatlar.

“MD Reference” mobil tədbiqi Android əməliyyat sistemli cihazlarda Google Play-dən (Play Market) asanlıqla yüklənilə bilər. Yaxın zamanda isə tədbiq, həmçinin, iOS əməliyyat sistemi ilə işləyən cihazlarda da əlçatan olacaq.

 

Əlaqə üçün məlumat:

Dilarə Umudova, BMTİP-in Azərbaycan ofisinin İctimai əlaqələr üzrə mütəxəssisi – dilara.umudova@undp.org

Tədbirlər
sentyabr 2020
31123456
78910111213
14151617181920
21
222324252627
2829301234
21 sentyabr / Bazar ertəsi
Bizi izləyin: