FAO Dövlət Aqrar Ticarət Şirkəti ilə birgə AFAQ layihəsinin təqdimatını keçirib

FAO and the State Agro Trade Company presents Agro Action of Azerbaijani Women project called AFAQ. Baku, Azerbaijan. May, 2019.

BAKI, 7 may 2019 – BMT-nin Ərzaq və Kənd Təsərrüfatı Təşkilatı Dövlət Aqrar Ticarət Şirkəti ilə birgə AFAQ – Aqrar Fəaliyyətli Azərbaycan Qadınları layihəsinə başlayıb. Layihə qadınların iqtisadi cəhətdən gücləndirilməsi yolu ilə ərzaq təhlükəsizliyi və kənd yerlərində dolanışıq səviyyəsinin yaxşılaşdırılmasını hədəfləyir.

Təqdimat mərasimi FAO Azərbaycan, Kənd Təsərrüfatı Nazirliyi, Ailə, Qadın və Uşaq Problemləri üzrə Dövlət Komitəsi, dövlət və özəl sektor nümayəndələrini, beynəlxalq təşkilatların təmsilçilərini, eləcə də qadın fermer və sahibkarları bir araya gətirib.

Azərbaycanda kənd təsərrüfatı, meşəçilik və balıqçılıq sahəsində çalışan qadınlar, məşğulluğun rəsmi statistikasına görə 20% təşkil edir. Bununla belə, onlar əmək haqqı sahəsində gender əsaslı fərqlər,  qeyri-formal məşğulluq, üçqat artıq iş yükü, sosial xidmətlərə zəif çıxış imkanı kimi bir sıra problemlərlə üzləşirlər. Qadınların istehsal və maliyyə resurslarından istifadə imkanları, əlverişli satış yerlərinin olmaması da qadınların fəaliyyətlərini genişləndirməyə maneə olan amillərdəndir.

Layihə vasitəsilə kənd yerlərində gender cəhətdən həssas məsələlərə dair məsləhət xidmətlərinin gücləndirilməsində texniki dəstək təmin olunacaq, qadınların fərdi təşkilatlanmasını və informasiya şəbəkələrinə çıxışını dəstəkləmək, sosial sahədə və davranışlarda dəyişikliklərə nail olmaq üçün kənd yerlərində yaşayan qadınlar və qızların yerinə yetirdiyi işlərin təbliğatı artırılacaq.

Qadın sahibkarlara bazar və kredit resurslarına çıxış imkanlarının artırılması yolu ilə dəstək göstəriləcək, o cümlədən biznes qurmaq və genişləndirmək üçün onların kadr potensialı gücləndiriləcək.

AFAQ layihəsi FAO-Azərbaycan Tərəfdaşlıq Proqramı çərçivəsində həyata keçirilir.

Tədbirlər
iyul 2019
1234567
891011121314
15161718192021
22
232425262728
2930311234
22 iyul / Bazar ertəsi
Bizi izləyin: