Əlilliyi olan uşaqlar üçün keyfiyyətli inklüziv təhsilin tətbiqi istiqamətində növbəti addım: Azərbaycanda daha çox sayda müəllim müvafiq təlimlərə cəlb olunacaq

Azerbaijan, Baku, February 2019 Photo/ UNICEF Azerbaijan

BAKI, 1 fevral 2019 – BMT-nin Uşaq Fondu (UNICEF) və Azərbaycan Respublikasının Təhsil Nazirliyi, Azərbaycan Dövlət Pedaqoji Universiteti, həmin Universitetin Quba və Şəki filialları, Gəncə və Sumqayıt Dövlət Universitetləri də daxil olmaqla beş ali təhsil müəssisəsini təmsil edən 28 müəllim üçün fevralın 4-8-də Bakı şəhərində inklüziv təhsil sahəsində təlim təşkil edəcək. Ümumtəhsil məktəblərinin pedaqoji heyətinə ixtisasartırma kursları keçəcək 50 təlimçidən ibarət qrup üçün təlim isə fevralın 11-15-də keçiriləcək.

Beynəlxalq ekspertlərin yerli təlimçilər üçün keçdiyi bu təlimlər Avropa İttifaqının maliyyə dəstəyi ilə UNICEF və Təhsil Nazirliyinin birgə həyata keçirdiyi “Əlilliyi olan uşaqlar üçün keyfiyyətli inklüziv təhsilin genişləndirilməsi” layihəsi çərçivəsində icra edilir.

“Əlilliyi olan uşaqların keyfiyyətli təhsil prosesinə cəlb olunması ilk növbədə onların təhsil və inkişaf potensialına müsbət təsir göstərməklə yanaşı, bu  uşaqların öz icmalarının həyatında fəal iştirak edə bilməyəcəyinə dair fikirlərin yanlış olduğunu sübuta yetirəcək. Ümumtəhsil məktəblərində yüksək keyfiyyətli inklüziv təhsilin tətbiq edilməsi üçün pedaqoji heyətin bacarıqlarının artırılması məsələsinə xüsusi diqqət yetirəcək bu təlimlər təhsilin hər bir uşaq üçün əlçatan olmasına şərait yaradan prosesin bir hissəsidir”, UNICEF-in Azərbaycandakı nümayəndəliyinin rəhbəri cənab Edvard Karvardin deyib.

Bu təlimlərdə iştirak edəcək universitet və məktəb müəllimləri 2019-2020-ci illərdə Bakı, Gəncə, Sumqayıt, Quba, Şəki, Ağcabədi və Qazaxda 300 nəfər universitet müəlliminə, 5 pedaqoji universitetin ümumilikdə isə 1.300-dən çox tələbəsinə, habelə 10.000 nəfərdən çox ibtidai sinif müəlliminə təlim keçəcək.

Növbəti mərhələdə inklüziv təhsil üzrə yeni təlim proqramları müəllimlərin hazırlanması və peşəkar inkişafı ilə məşğul olan milli institutların kurikulumlarına inteqrasiya edilməsi nəzərdə tutulur.

Sözügedən layihə bu sahədə milli potensialların inkişaf etdirilməsinə və ölkənin ümumtəhsil məktəblərində inklüziv təhsili tətbiq etmək bacarığına malik olan yeni nəsil müəllimlərin formalaşmasına şərait yaradacaq.

UNICEF haqqında

Gördüyü bütün işlərdə UNICEF hər bir uşağın hüquqlarını və rifahını təşviq edir. Təşkilat bu cür öhdəliyin təcrübədə həyata keçirilməsini təmin etmək məqsədilə dünyanın 190 ölkəsi və bölgəsində öz tərəfdaşları ilə birgə çalışaraq daha həssas və təcrid olunmuş uşaqları əhatə etmək üçün xüsusi səylərin göstərilməsi və hər bir yerdə bütün uşalqarın faydalanması məsələlərinə xüsusi diqqət ayıraraq çalışır.

Əlavə informasiya üçün

UNICEF-in Azərbaycandakı Nümayəndəliyinin İctimaiyyətlə Əlaqələr və  Tərəfdaşlıq Məsələləri üzrə mütəxəssisi, xanım Ayna Mollazadə ilə əlaqə saxlamağınız xahiş olunur:

Elektron ünvan: amollazade@unicef.org;

Tel.: +994 12 4923013 (daxili nömrə – 109).

Tədbirlər
aprel 2019
1234567
891011121314
15161718192021
222324
25
262728
293012345
25 aprel / Cümə axşamı
Bizi izləyin: